Меѓународниот олимписки комитет го казни Египќанецот Ислам Ел Шехаби кој одби да се поздрави со израелскиот ривал Ор Сасон откако изгуби од него на Олимпијадата во Рио.
Од МОК соопштија дека однесувањето на Ислам не е во духот на пријателството, што е карактеристика на олимписките вредности. Заради тоа го осудија неговиот потег и спортистот го испратија дома, јавува AП.
Според пишувањата, потегот Шехаби (34 г.) бил политички мотивиран. Сасон освои бронза на Олимпијадата во категоријата 100 килограми.
„Ракувањето со противникот не е обрзувачко во правилата за џудо. Тоа се случува меѓу пријатели, а тој не е мој пријател. Немам никакви проблеми со еврејскиот народ ниту со луѓе од друга религија или различни верувања. Но, поради лични причини, не можете да барате од мене да се ракувам со некого од таа држава, особено не пред целиот свет“, изјавил Ел Шехаби по мечот, пренесува Ројтерс.
