Дејан Георгиевски утре се бори на еден од најсилните турнири во светот „Президент куп“ Г3 во Софија

Најдобриот македонски спортист, Дејан Георгиевски, утре се бори на еден од најсилните турнири во светот на олимпиското таеквондо „Президент куп“ Г3 во Софија, Бугарија.

„Медал од овој значаен турнир ќе значи многу за македонскиот спорт, за обезбедување на трета олимписка норма откако Македонија е независна држава.

Г3 Президент купот носи значително многу бодови за обезбедување олимписка норма, Дејан Георгиевски е единствениот македонски спортист кој е во самиот светски врв во еден олимписки спорт“, велат од МТФ.

Во првото коло Дејан ќе се сретне со Бјелоус Ерик од Шпанија.