Поранешниот привремен шампион во лесна категорија, Дастин Пориер се уште жали за поразот од Хабиб Нурмагомедов. 32-годишниот Американец влезе во кафезот со Нурмагомедов на крајот на 2019 година во Абу Даби. Пориер тогаш беше привремен шампион, а Хабиб ја држеше неприкосновената титула.
Дијамантот беше убеден дека ќе го победи Хабиб, но загуби во третата рунда. Ова ја прекина серијата од 5 последователни победи на ѕвездата од САД. Сега, неколку години подоцна, Пориер повторно ќе се бори за неприкосновената титула.
Во главната борба на УФЦ 269 на 11 декември, Порие ќе го видиме против неприкосновениот шампион Чарлс Оливеира. Дастин во борбата ќе влезе со серија од 3 последователни победи. Годинава два пати го победи Конор Мек Грегор со технички нокаут.
Во интервју за американските медиуми, Пориер зборуваше за поразот од Хабиб.
„Поразот од Хабиб Нурмагомедов беше тежок период. Влегов во хотелската соба и сфатив дека пропуштив многу важна шанса. Кога камерите исчезнуваат, музиката замира, останувате сами и погледнете се во огледало – доаѓа реалноста. Понекогаш е тешко да се проголта.
Морав да си удрам шлаканица за да не се препуштам на тагата. Благодарен сум на судбината за вакви работи. Сите пречки се дел од патот. Ова е убавината на она што го правиме. Меѓутоа, по битката со Хабиб се чувствував како да имам скршено срце“, истакна Пориер.
