Американскиот борец Седрик Думас (10-2) како дел од прелиминарниот дел на претстојниот настан УФЦ 311 (Инглвуд, Калифорнија, САД) ќе ги одмери силите со сонародникот Зак Рис (8-1) во меч во средна категорија. „Жетварот“ сепак доби уште една понуда да се бори во Лос Анџелес против – член на банда!?
Раперот и член на афро-американската банда Ролин 40с крипс, особено еден 4екстра, беше гостин на неодамнешното издание на Џампер поткаст и самоуверено изјави дека ќе се бори со кој било борец на УФЦ – и ќе го победи.
„Дигна прашина последниот пат кога бевме заедно рече дека би разбил тешкаш од УФЦ, а тоа не им се допадна на многу борци на УФЦ“, му рекол водителот Адам 22 на членот на бандата, кој одговори:
„Видете, тоа е работата со борците на УФЦ. Тие мислат дека ќе ме победат затоа што добија парче хартија што докажува дека се борци на УФЦ. Само затоа што си потпишал за УФЦ не значи дека ќе победиш. Мислиш ли дека ќе го претепаш типот што се тепа на улица или во затвор“.
Адам22 потоа го спомна името на Думас и рече дека би бил повеќе од подготвен да се бори со член на банда.
„Проверете дали има пари и ќе го истепам, а кога ќе го истепам, сакам дополнителни 100.000 долари за тоа. Земете го веднаш“, пукаше 4екстра, по што следеше експресен одговор од другиот крај.
„Кого ќе го претепаш?“, напиша Думас на својата приказна на Инстаграм, а потоа ладно рече: „Дечко, кажи ми кога ќе бидеш подготвен“.
Водителот на поткастот се обиде да го вразуми својот гостин, велејќи му дека нема шанси.
„Борците на УФЦ имаат беспрекорна борба на партер. Нивното џиу џицу е надвор од топ листите. Еве го проблемот; никогаш не сте морале да се грижите дали ќе го соборите, ќе го фатите за нозете момчето и ќе го соборите на земја, а овие момци се како анаконди ќе те задават, не знаеш ни срања што можат да ти направат“, рече Адам22, а потоа додаде: „Имам доверба во тебе во борба во стој, но штом станува збор за џиу џицу на партер, ќе сфатиш дека ти требаат пет години тренинг“.
Дури и по добронамерниот совет на водителот, 4екстра сепак инсистираше дека ќе победи кој било борец на УФЦ, и тоа не со многу избрани зборови. Сè на сè, овде би можела да важи старата поговорка – внимавајте што посакувате, бидејќи едноставно може да се оствари. На крајот на краиштата, конфронтацијата меѓу борецот на УФЦ и членот на борбата сигурно нема да се случи – барем не легално.
