Борачите на Вардар 1961 на Меѓународниот турнир „Победник“ во Белград, Србија, покажаа дека се на вистински пат и ја заокружија успешната сезона со три медали – 1 сребрен и 2 бронзени.
Сребрен медал освои Нина Славевска, а бронзи Неда Урошевска и Матеј Трајковски.
На силниот меѓународен турнир настапија борачи од над десет држави.
„Ова е показател дека Вардар 1961 има мала ама компактна екипа која на сите домашни и меѓународни натпревари се покажува во одлично светло“, вели тренерот Игор Неделковски.
