Најдобриот македонски кикбоксер Бобан Илиоски е светски професионален првак во кикбокс на ВАКО ПРО во дисциплината К1 (до 88,6 кг). Вечерва во СЦ „Јане Сандански“ во Скопје Илиоски со одлука на судиите салвеше 2-1 против Берк Дузенли од Турција, актуелен светски аматерски првак.
Првите две рунди поминаа во тактичка борба, имаа успешни акции и двајцата кикбоксери. Берк покажа зашто бил светски првак, многу жилав и тактички добро подготвен.
Во третата рунда Боби имаше два многу чисти удари. Висок удар, маегери, летечкои колено, лоу кик зададе Илиоски во 4.рунда, а на крајот прими две крошеа.
Во петтата неколку летечки колена, крошеа и директ од Боби.
Илиоски имаше целосна поддршка од публиката, а Комитите направија атмосфера како што доликува на ваков меч. Тој им се заблагодари на публиката и на Комитите и кажа дека ова е голема работа за него.
Илиоски е актуелен светски и европски ВАКО-аматерски шампион и добитник на највисокото спортско признание во Република Македонија, спортист на годината за 2023 година.
Ова е првпат Македонија да биде домаќин на еден ваков кикбокс-настан, кој е еден од најголемите настани во регионот. Настанот е во организација на Кикбокс маитаи-федерација на Македонија.
ВАКО Про Арена фајт најтс:
88,6 кг Бобан Илиоски – Берк Дузенли (Турција) за светската титула на ВАКО Про К1 2-1
85 кг Димитар Ѓоргиев – Никола Миљковиќ (Србија) лоу кик 0-3
73 кг Лоаи Сакаш (Израел) – Александар Милошевиќ (Србија) К1 0-3
75 кг Максим Митровски – Алекса Павловиќ (Србија) К1 постари јуниори 3-0
86 кг Узеир Нелсон – Лазар Татиќ (Србија) К1 2-1
63 кг Викторија Варадинова – Теодора Видиќ (Србија) К1 0-3 ТКО Р2
71 кг Силвио Мировски – Вук Митровиќ (БиХ) лоу кик постари јуниори 3-0 КО Р2
62 кг Марија Димовска – Марија Обрадовиќ (Србија) лоу кик постари јуниори 3-0
