Јан Блахович, првиот Полјак кој стана шампион на УФЦ во којабило категорија (полутешка во неговиот случај), ја започнува новата година со калење во замрзната река во Полска.
Борецот влегол во ледените води на родната земја, при што го скршил мразот и создал површина за да велезе. Видеото што го сподели на социјалните мрежи беше придружено со тематската песна на раперот Ванила Ајс „Ice Ice Baby“.
„Американски или полски мразокршач“, напиша Блахович на Инстаграм.
Потсетуваме дека неодамна му беше направена статуа од над 80.000 конструкторски делови.
Јан Блахович ја освои титулата на крајот на септември 2020 година, победувајќи го Доминик Рејес со технички нокаут во втората рунда во директниот судир на УФЦ 259.
Сепак, на 30 октомври 2021 година Блахович го загуби појасот по поразот од Гловер Тешеира на главниот меч на УФЦ 267.
Полјакот има вкупен биланс од 28 победи и 9 порази во ММА. Тој победи на 17 натпревари со завршница (8 со нокаут и 9 со принуда).
На 38-годишниот Полјак му претстои нов дуел во УФЦ. На 26 март ќе се бори со Александар Ракиќ во главниот меч на УФЦ Фајт најт 206.
