Берат Јакупи утре ќе се бори за бронзениот медал во категоријата до 84 килограми на Карате 1 Премиер лигата во Салзбург. Утре Емил Павлов се бори за златниот, а женскиот ката тим и Наташа Стефановска за бронзени медали.
Јакупи (Асиарт) со четири победи стигна до полуфиналето и тоа против: Балаш Гимеши (Унгарија) 9-1, Јус Маркач (Словенија) 1-0, Јевхен Мотовјлин (Украина) 5-0 и Ѓузепе Тесоро (Италија) 0-0-помина со судиско изјаснување.
Во полуфиналето налета на Јапонецот Рутаро Арага и загуби со 5-0. Во репасажот за бронзнеиот медал ќе се бори со Хрватот Иван Квесиќ.
Категоријата која го одлучува македонскиот патник на Европското првенство за сениори во Монеплје-Франција, до 75 килограми имаше шест претсавници на турнирот од Карате 1 Премиер лигата во Салзбург-Австрија. Најдалеку стигна балканскиот шампион Енес Смаилагиќ од Цветан Димов.
Смаилагиќ извојува три победи по ред против: Суад Табаковиќ (БиХ) 3-0, Емануел Окимела (Белгија) 2-0 и Рем Марич (Словенија) 1-1 со судиско изјаснување, а во борбата за влез во полуфиналето 2-1 е поразен од Јапонецот Даисуке Ватанабе. Во репасажот, борбата која му обезбедуваше можност да се бори за бронзениот медал Хрватот Иван Мартинац беше подобар и славеше со 3-1.
Петар Заборски (-75 кг) од Макпетрол ги совлада Сам Пломпен (Белгија) и Блодин Пакаштица (Косово) со 3-0 и 2-0, а во третиот настап беше поразен со 8-0 од Турчинот Ахмет Сабир Ујгур.
Азиз Исмаил од Металург имаше скор 1-1, го победи Адам Палонен(Шведска) 3-0, а загуби 4-1 од Раби Јендуби (Италија).
Иво Цветковски – Металург ги победи со 1-0 и 2-0 Габор Харспатаки (Унгарија) и Ацо Израел (Перу), додека Јапонецот Кен Јушимура го совлада со 1-0. Потоа имаше можност преку репасажот да дојде до можност да се вмеша во борбата за бронзениот медал, но при резултат 0-0 судиите во изјаснувањето му дадоа предност на Ваи Ка Ли од Хонг Конг.
Тодор Ристески – Спорт 94 исто така беше со скор 1-1, однонсо го совлада Рене Смаал (Холандија) 1-0, а беше поразен со 3-0 од Андера Минарди (Италија). И Мартин Ристовски (Вардар) е со истиот биланс: 3-2 против Реза Мохамед Никхабаш (Канада) и пораз од 6-0 од Микеле Хасани (Италија).
Во категоријата до 84 килограми Петар Спасеновски – Металург го победи Раеф Алтуркистани (Саудиска Арабија) со 3-0, а загуби 3-2 од Иван Квесиќ (Хрватска).
Рутаро Арага (Јапонија) – Сашко Патраклиев (Македонка) 3-0, а во репасажот нашиот каратист беше поразен од Брајан Тиемрманс (Холандија) 0-0. Огнен Груевски – Металург со 1-0 го победи Габриеле Инатони од Сан Марино, но е поразен од Антон Исакау (Белорусија) 3-0. Орхан Билали – Макпетрол е со скор 1-1, победа против Матео Чавар (БиХ) 0-0 и пораз од Флоирајн Вебер (Швајцарија) 3-1. Виктор Крстевски-Металург со 3-0 е поразен од Матија Матијевиќ (Словенија).
Сара Радичевска (-50 кг, Макпетрол) во клучната борба во репасажот за да обезбеди средба за бронзениот медал со Јелена Миливојевиќ од Србија е поразена со 4-0.
Ipon.mk/В. Д.
