Легендарниот кик-боксер Бадр Хари не престана да тренира во последните неколку месеци. Тој имаше закажан меч со Бенџамин Адегбaј на Глори 78: Бадр против Бени, на 20 јуни во Ротердам. За жал, гала вечерта беше откажана заради Ковид-19, но во блиска иднина се очекува нов датум.
35-годишниот ветеран е во многу добра форма и вели дека е фокусиран и гладен за успех во рингот. Хари има скор 0-2-1 во Глори и сè уште нема победа. Два пати загуби од Рико Верховен поради повредите, а една победа над Хесди Гергес му беше одземена, бидејќи не успеа на допинг-тестот.
Хари се подготвува да го изненади светот против Адегбај и на тој начин да докаже дека заслужува трета битка со Верховен која со нетрпение ја очекуваат сите љубители на кикбоксот.
„Последните три месеци беа непријатни. Ковид и запирање на сè беа тежок тест што бараше вештина за живот што го предизвикуваше секој од нас. Мора да можеме да надминеме голема неволја. Може да ве ослабне или зајакне во зависност од вашата состојба на умот и вашиот став. На многу спортисти, недостатокот на перспектива може да и наштети на мотивацијата.
Од своја страна, оваа невидена ситуација ме натера да сфатам колку е голем мојот фокус, глад и љубов кон кикбоксот. По откажувањето на сите спортски настани, мојата единствена цел беше да излезам посилен од кога било од оваа криза. Тоа беше единствениот начин да се задржи високото ниво на секојдневниот живот. Претпоставувам дека сме близу на крајот од тунелот. Ова е важна животна лекција. Ајде да ја искористиме за да го изненадиме светот“, напиша Бадр Хари.
https://www.instagram.com/p/CBGTwBAlKcM/?utm_source=ig_embed
https://www.instagram.com/p/CBDZxrkFnOx/?utm_source=ig_embed
