Промоторот на Ури, Боб Арум, потврди дека започнале нови преговори за потенцијална борба за апсолутен боксерски шампион во тешка категорија меѓу Џипси Кинг и Александар Усик.
Мечот би можел да се одржи во декември на боксерски спектакл во Саудиска Арабија.
На почетокот на март, тимовите на Фјури и Усик се чинеше дека се блиску до договор, но преговорите на крајот пропаднаа. Тајсон имаше различни барања, па Александар реши да се повлече од преговорите.
Засега ниту еден нема официјален противник, но Усик треба да боксира против задолжителниот предизвикувач на ВБА, Даниел Дубоа, додека Фјури би можел да се бори со Жилеј Жанг или Енди Руиз Јуниор. во јули на стадионот Вембли.
Ентони Џошуа и Дионтеј Вајлдер потврдија дека моментално се во преговори за учество на голем настан организиран од Саудијците, а на кој би требало да биде главен мечот меѓу Фјури и Усик.
Во својата последна изјава Арум потврди дека има одредена комуникација со блискоисточната земја.
„Да. Тоа е точно“, рече Боб Арум на прашањето дали повторно се водат преговорите за борба меѓу Фјури и Усик и додаде:
„Разговарав со претставникот на Скилс челинџ, кој има организирано боксерски настани во Саудиска Арабија. Ги знаеме овие луѓе, работевме со нив кога имаше борба на Џејк Пол и Томи Фјури. Знаеме со кого работиме и можам да потврдам дека имавме многу интересни разговори“.
Останува да го следиме расплетот на една интересна идеја за настан на кој треба да настапат четирите актуелни најдобри светски тешкаши.
Но, веројатно Фјури и Усик ќе мора да направат барем една борба пред настанот во декември.
