Во сабота на стадионот „Вембли“ во Лондон ќе се одржи боксерска гала вечер, чија главна борба ќе биде мечот меѓу непоразениот руски боксер Артур Бетербиев и Британецот Ентони Јард. Артур Бетербиев е актуелен шампион на ВБЦ, ВБО и ИБФ во полутешка категорија.
Во професионалната кариера има 18 борби, во кои победи на 18 – сите со нокаут. Ентони Јард во професионалниот бокс има 25 борби – 23 победи и 2 порази.
Резултатите од мерењето пред борбата меѓу двајцата се официјални. Бетербиев тежеше 79,2 килограми, а Јард се закова на 79 килограми. Допуштената граница за полутешка категорија е 79,38 килограми.
