Поранешниот петкратен шампион во полутешка категорија на Глори Артем Вахитов призна дека е разочаран од начинот на кој се одвивале преговорите со УФЦ откако во октомври ја доби борбата на „Контендер серијата“ на Дана Вајт. На Русинот му беше понуден договор, но го одби поради несогласувања со условите.
„Имаше одредено разочарување – долго време се стремевме кон УФЦ. Но, исто така сакавме почитувачки третман, пристојни услови, особено со можноста да се борам со Алекс Переира“, изјави Вахитов за ММА фајтинг.
Artem Vakhitov admits ‘disappointment’ in UFC offer after Contender Series pic.twitter.com/XLxBqgZLmG
— MMA Fighting (@MMAFighting) June 12, 2025
Русинот го победи Переира во последниот кикбокс меч, што ја отвори вратата за можен реванш во ММА. Сепак, Вахитов се врати во Глори, каде веднаш прифати голем предизвик – меч против шампионот во тешка категорија Рико Верховен на настанот Глори 100 оваа сабота.
„Верховен е одличен борец, но никогаш не се соочил со некој како мене – брз, паметен и технички потокован. Ќе се потпрам на брзината, движењето и вистинската тактика“, рече Вахитов, кој е природен полутешкаш и ќе биде инфериорен во однос на Холанѓанецот во однос на физичките предиспозиции.
Што се однесува до можната иднина во УФЦ, Вахитов не ја затвора вратата: „Многу е можно. Приказната сè уште не е завршена“.
