Арман Царукјан: Гејџи е веќе пропаднат, борбата со Топурија ќе беше поинтересна

Арман Царукјан ја коментираше победата на Џастин Гејџи над Илија Топурија, признавајќи дека претпочита шпанско-грузискиот шампион да ја задржи титулата. На турнирот УФЦ Фридом 250 во Белата куќа, Гејџи го победи Топурија со технички нокаут и стана новиот шампион во лесна категорија.

Според Царукјан, евентуалната борба меѓу него и Топурија би била многу попривлечна за навивачите.

„Победата на Гејџи не ми изгледа добро. Да победеше Топурија, борбата ќе беше десет пати повозбудлива“.

Ерменско-рускиот борец верува дека веќе постои историја меѓу него и Топурија, што би го направило судирот уште поинтригантен.

„Јас против Топурија – имаме историја, двајца млади борци од највисоко ниво“.

Царукјан упати остра забелешка до новиот шампион.

„А Гејџи против мене… Гејџи е веќе пропаднат“.

29-годишниот Царукјан е меѓу водечките кандидати за титулата во лесна категорија и сè уште чека на следната одлука на УФЦ за борбата за појасот. Тој има професионален скор од 23 победи и 3 порази, а 15 од неговите победи се пред одлуката на судиите.