Анатоли Малихин: На Јапонија и треба нов Федор Емелијаненко
Шампионот во две дивизии Анатоли Малихин, кој ќе се соочи со Умар Кејн во реванш на 16 ноември во Јапонија, ги поздрави споредбите со легендарниот Федор Емелијаненко.
„Ги гледав борбите на Федор на мојот расипан компјутер, неговите натпревари на Прајд. Тогаш не можев ни да замислам дека некој ќе ме спореди со него. Но, благодарение на напорната работа, поддршката од моето семејство и работата на моите тренери, ја заслужив оваа споредба и го сакам. Федор е повеќе од борец – тој ни го отвори патот, го донесе ММА во Русија. Сите сме му благодарни. Засекогаш ќе биде легенда“, рече Малихин.
Русинот вети дека во реваншот ќе го покаже најдоброто од себе: „Ќе излезам и ќе го нокаутирам мојот противник. На Јапонија ѝ е потребен нов Федор Емелијаненко… Ќе го видите стариот Анатоли – оној што оди напред, бара нокаути и дава сè од себе во рингот“.
Умар Кејн му го нанесе единствениот пораз во професионалната кариера на Малихин и му го одзеде шампионскиот појас во тешка категорија. Сепак, Малихин продолжува да ги држи титулите во средна и полутешка категорија.
