Репрезентацијата во бразилска џиу џица утре ќе настапи на „Сербија БЏЏ Опен 2014“, еден од најсилните турнири во регионот.
Репрезентацијата ја сочинуваат членовите на нашиот најтрофеен клуб за БЏЏ „Д Стронгест & Рутс“, а ќе ја предводи селекторот, воедно и претседател на Македонската федерација за БЏЏ, Ивица Алексовски.
„Ќе патуваме со минимален број на натпреварувачи, поради финансиски потешкотии, но сигурно ќе се вратиме со повеќе медали“, ни изјави селекторот Алексовски.
Александар Заткоски и Бојан Диков ќе не претставуваат во категоријата за плави појаси, и, доколку обезбедат пласман, а се надеваме дека ќе обезбедат, ќе земат учество и во апсолутна категорија. Стефан Пецевски и Никола Костадиновски ќе борат во категориите за бели појаси.
На минатогодишниот турнир учествуваа тимови од повеќе држави од Балканот и од Европа, но како што највува организаторот годинава конкуренцијата ќе биде посилна.
„Д Стронгест“ минатата година на овој турнир беше прогласен за најдобар тим, со најмногу освоени поени во екипна конкуренција.
Ipon.mk/ В.Д.
