Надежниот македонски борач Адил Адили, кој живее и настапува во Франција, на секој натпревар го потврдува својот раскошен талент, така и минатиот викенд на „Флац опен 2015“ во Волфурт, Австрија, го освои петото место. Тој настапи во категоријата до 63 килограми во јуниорска конкуренција, а во неговата категорија имаше 20 борачи.
Првото место го освои Никлас Дорн од РВ Хесен, Валентин Санфратело од француксата репрезентација беше втор, а Боптош Ставинога (Полска) и Јакуб Сукора (Словачка) го поделија третото место.
Ова е добро наветсување дека тој утре на Изборното првенство за БК Скопје ќе атакува на местотво националниот тим, иако е младинец.
За подемот на неговата форма се надоврзува и настапот на силниот сениорски турнир „Гранд при Париз 2015“ пред некое време.
Тогаш Адили го победи искусниот Амиран Каратнов од Грција во 1/8 финалето, носител на медали од меѓународните првенства, а во ¼ финалето беше поразен од светскиот младински првак Илман Муктаров од Франција.
На Адили тоа му беше прв настап во сениорска конкуренција, а и прва година настапува како младинец, што, во суштина, ветува многу и треба да ги брани боите на Македонија до 61 килограм во сениорска конкуренција.
ipon.mk/В.Д.
