Познатиот актер, поранешен светски шампион во карате и кик-бокс Жан-Клод ван Дам не се согласува со одлуката на судиите во борбата меѓу украинскиот боксер Васил Ломаченко и непоразениот Американец Девин Хејни.
„Разликата е 11 години – Хејни загуби, а Ломаченко победи. Сè е многу едноставно. Ова е американска публика, а борбата ја водеа американски судии. Го сакам боксот и ги разбирам боречките вештини, а Хејни дефинитивно загуби“, рече Ван Дам во видеото објавено на неговата страница на социјалните мрежи.
Борбата за титулата во лесна категорија меѓу Девин Хејни и Васил Ломаченко се одржа ноќта на 21 мај. Борбата траеше сите 12 рунди и заврши со победа на Американецот со едногласна одлука на судиите (116-112, 115-113, 115-113).
