Алекс Переира планира враќање во УФЦ во ноември

Поранешниот шампион во средна и полутешка категорија на УФЦ, Алекс Переира, откри кога планира да се врати во октагонот.

Бразилецот изјави дека ја планира втората борба во тешка категорија во ноември на традиционалната гала вечер на УФЦ во Њујорк.

„Ноември е добро време да се вратам во октагонот. Ќе биде во Њујорк. Помина долго време откако се борев таму. Моето деби беше таму, а потоа се борев уште неколку пати и забележав вкупно три победи. Ми се допаѓа да се натпреварувам во Њујорк, секогаш го кажувам тоа. Блиску е до мојот дом – само час и половина оддалечен. Значи, нема замор и нема џет-лег. Тоа е секогаш плус.

Да, ќе продолжам да се натпреварувам во тешката категорија. Сакам да бидам активен и да се борам што е можно почесто во овие услови“, рече Переира, цитиран од Агфајт.

Бразилецот го имаше дебито во тешка категорија претходно оваа година, но загуби од Сирил Гане на УФЦ Фридом 250. И покрај поразот, Переира е непоколеблив дека ќе ја продолжи кариерата со најтешките борци во УФЦ.