Конор Мек Грегор: На 27 години го покорив овој бизнис

Поранешниот шампион на УФЦ во две категори, Конор Мек Грегор, даде искрена признание за периодот по неговите најголеми успеси во кариерата. Ирецот рече дека се изгубил откако го покорил спортот на само 27 години, но нагласи дека неговата љубов кон боречките вештини никогаш не исчезнала.

Мек Грегор се потсети дека за кратко време постигнал сè што еден борец може да сонува – две титули на УФЦ и мега борба со боксерската легенда Флојд Мејведер.

„На 27 години,  го покорив овој бизнис. Двоен шампион, се борев со Флојд, завршив – имав само 27 години. Ја поминав играта во еден миг. Што друго ќе правев? Бев изгубен. Бев изгубен во играта. Направив некои грешки по патот и тоа е тоа. Секогаш се враќаш дома кога навистина сакаш нешто“.

Ирецот не го криеше фактот дека неговото однесување во последните години не било секогаш достојно за статусот што го имал, и призна дека критиките од навивачите се целосно оправдани.

„Можеби имало моменти кога бев непочитувачки и ја обесчестував позицијата во која ме поставил Бог. Некои фанови може да речат: „Тој повеќе не беше заинтересиран“ или дека не покажуваше никаква љубов кон спортот. И веројатно се во право. Всушност, тоа е точен опис“.

Сепак, Мек Грегор увери дека неговата страст за боречките спортови никогаш не исчезнала и дека неговите мисли постојано се насочени кон враќањето во октагонот.

„Но, јас апсолутно ја сакам оваа игра. Секоја мисла што ја имам е за светот на боречките вештини. Возбуден сум што ќе се вратам таму и ќе го покажам тоа“.

Мек Грегор се враќа за неколку недели за да се бори со Макс Холовеј во Лас Вегас. Борбата ќе биде негова прва по повеќе од 5 години.