Брутален нокаут за 79 секунди: Урош Медиќ го уништи Џеф Нил во Хјустон

Урош Медиќ ја забележа една од најголемите победи во кариерата за време на УФЦ Фајт најт 267, откако спектакуларно го нокаутира ветеранот Џеф Нил во коглавната борба во Хјустон, Тексас.

На 32-годишниот Србин му беа потребни само 1 минута и 19 секунди за да ја заврши борбата во своја корист. Уште од самиот почеток на рундата двајцата влегоа во размена на тешки удари, а Медиќ го пронајде вистинскиот момент и зададе моќен лев удар во слепоочницата на противникот. Нил се струполи на подот во тежок нокаут, а судијата веднаш ја прекина борбата.

Официјалната одлука беше победа со нокаут за Урош Медиќ – 1.рунда (1:19).

Ова е трета последователна победа за Србинот со нокаут во првата рунда. Тој веќе има биланс од 13 победи и 3 порази во ММА, со сите негови победи се постигнати пред финалниот удар во гонгот, а 11 од нив – со нокаут.

За Џеф Нил, поразот е втор по ред со тежок нокаут и веќе има скор од 16-8. Победата на Медиќ го етаблира како едно од опасните имиња во велтер категоријата и сигурно ќе му донесе сериозно искачување на ранг-листата.

CLEAN RIGHT HOOK 😱

Uros Medic just knocked out Geoff Neal in round one! #UFCHouston pic.twitter.com/Uf0rl0z3qd

— UFC_AUSNZ (@UFC_AUSNZ) February 22, 2026