Шаќир Бислими доаѓа од Дагестан во Скопје за пеливанскиот меч со Дејан Митров

Шаќир Бислими, талентиран борач од Скопје, кој ги продолжи високите студии во Дагестан, Русија, каде што ќе живее неколку години, паралелно ги следи и тренинзите на најголемите ѕвезди на боречкиот спорт, како Абдулрашид Садулаев и многу други познати имиња.

Тој одлучи да ја изненади скопската публика и, по една повреда, се враќа на 28 декември за пеливанскиот турнир што ќе се одржи во салата „Кале“. На овој настан се очекува Шаќир да се соочи со познатиот борач од Штип, Дејан Митров.

„Му посакуваме многу успех и ги покануваме сите љубители на спортот да присуствуваат на овој величествен настан“, велат организаторите.