Артур Бетербиев: Дмитри Бивол одби понуда за трилогија во Русија

Поранешниот обединет светски шампион во полутешка категорија, Артур Бетербиев, потврди дека Дмитри Бивол одбил дарежлива финансиска понуда за трета борба меѓу нив, која требаше да се одржи во Русија. Во текот на викендот Бетербиев одговараше на прашања од медиумите и коментираше за информациите околу можна трилогија со неговиот долгогодишен ривал.

Според Бетербиев, навистина имало конкретна понуда до Бивол за трета борба, но таа не била прифатена. Канаѓанецот со чеченско потекло не го крие своето разочарување, нагласувајќи дека според него Русија е најсоодветното место за таков судир.

„Да, вистина е. Мислам дека ако оваа борба некогаш се одржи, најинтересното би било да се одржи во Москва, во Русија. Убеден сум дека оваа борба би предизвикала најголем интерес таму“, рече Бетербиев.

Во моментов, иднината на можна трилогија меѓу двајцата останува неизвесна, но зборовите на Бетербиев покажуваат дека тој сè уште не ја затворил вратата за трет меч со Бивол – под вистински услови и на сцена што, според него, би му дала најголем полнеж на ова ривалство“.