Бенавидез го разби Јард и освои два појаса во Саудиска Арабија
„Мексиканското чудовиште“ уште еднаш покажа зошто го носи тој прекар. Дaвид Бенавидез систематски го уништи Ентони Јард и постигна спектакуларен нокаут во седмата рунда од нивната борба во АНБ aрената во Ријад, Саудиска Арабија.
Бенавидез му го расквари носот на Британецот на почетокот на борбата и постепено го зголемуваше темпото. Секој удар што го зададе тежеше силно, а Јард постепено го губеше тлото под нозете. Во седмата рунда Американецот го нокаутира, а потоа го прикова на јажињата со силни комбинации.
15 punch combo!!!!!
— BOXING n BBQ (@BOXINGnBBQ) November 23, 2025
Судијата Хектор Афу ја прекина борбата на 1:59 за да го заштити целосно беспомошниот Јард од понатамошна штета. Одлуката беше повеќе од оправдана – Бенавидез беше целосно доминантен.
WOW!!!!!
Benavidez owns Yarde at 175!!!!#BOXINGnBBQ #Boxing
— BOXING n BBQ (@BOXINGnBBQ) November 23, 2025
Со својата победа, непоразениот Бенавидез (31-0, 25 нокаути), втор на ранг-листата во полутешка категорија на „Ринг“, ја задржа светската титула на ВБЦ и го освои слободниот ВБА појас. Веќе се надева на мега борба во 2026 година со Дмитри Бивол (24–1, 12 нокаути) – носител на титулите на „Ринг“, ИБФ, ВБА и ВБО.
