Турки Алалших: Подготвуваме изненадување и еден од најголемите мечеви во историјата на боксот!
Тајсон Фјури е во пензија од јануари оваа година. Сепак, тој се пензионираше неколку пати во минатото, а сега има знаци дека би можел да се врати на рингот во 2026 година.
„Ромскиот крал“ е во одлична форма откако се врати на рингот по години борба со проблеми со менталното здравје што го тргнаа од спортот откако ја освои првата светска титула против Владимир Кличко во 2015 година.
Ги победи Дерек Чисора и Дилиен Вајт, а двапати го победи поранешниот шампион на ВБЦ, ДИонтеј Вајлдер, во три епски борби за да ја врати светската титула.
Сепак, во средината на 2024 година се бореше против поранешниот апсолутен шампион во полутешка и тешка категорија, Александар Усик, и загуби, а потоа беше уште поубедливо поразен во реваншот, во декември минатата година.
Ова го остави без појасот и го принуди да се пензионира, разочарувајќи многу фанови кои сметаа дека избегнал борба со долгогодишниот британски ривал и поранешен шампион, Ентони Џошуа.
Сепак, повторно беше навестено враќање откако саудискиот боксерски гигант Турки Алалших зборуваше за можната борба за враќање на Фјури. Во разговор за ДАЗН, Алалших рече:
„Сега разговарам со Еди (Херн), следната година ќе имаме два големи настани тука во Лондон, тоа ќе биде изненадување. Во февруари ќе го имаме Ентони Џошуа во нашата земја (Саудиска Арабија), а потоа голема борба, една од најголемите во историјата на боксот, која ќе биде тука во Лондон, можеби во септември.
Нема да ви дадам одговор (на прашањето за борбата Џошуа – Фјури). Во април ќе имаме, можеби на стадионот на Тотенхем, голема борба, а потоа во септември, јас и тој (Еди Херн) имаме изненадување за навивачите во Англија.
https://twitter.com/BBCSport/status/1989805755290325035
Иако ништо не е потврдено, се смета дека и Џошуа и Фјури планираат да одржат загревачки борби пред нивната борба следната година.
Во декември Џошуа ќе има шокантна борба против Џејк Пол, а таа борба, а потоа и онаа во февруари, веројатно ќе послужат како претходница за епска пресметка против Фјури подоцна следната година.
