Агит Кабајел ќе ја брани привремената титула на ВБЦ на 10 јануари во Германија

Непоразениот привремен шампион во тешка категорија на ВБЦ, Агит Кабајел (26-0, 18 КО) ќе се врати на рингот на 10 јануари во Оберхаузен, Германија, објави неговиот промотор „Квинсбери промоушнс“.

Во главната борба на вечерта, Германецот ќе се соочи и со непоразениот Полјак Дамијан Книба (17-0, 11 КО).

33-годишниот Кабајел го имаше професионалното деби во 2011 година, а во февруари 2025 година ја освои привремената титула на ВБЦ откако во шестата рунда го нокаутира кинескиот ветеран Џин Гили.

29-годишниот Книба ја започна професионалната кариера во 2021 година и ги одржа повеќето од своите мечеви во САД, каде што изгради репутација на техничар и брз боксер за својата големина.

Борбата меѓу двајцата непоразени тешкаши ветува спектакуларен почеток на новата боксерска година во Европа.