Фабио Вордли со прекин во 11-тата рунда го победи Џозеф Паркер, а потоа го прозва Александар Усик

Непоразениот Фабио Вордли (20-0-2, 18 КО) го победи Новозеландецот Џозеф Паркер (36-4, 24 КО) со прекин во 11-тата рунда во лондонската О2 арена и ја освои привремената титула во тешка категорија на ВБО.

Со таа победа Англичанецот се приближи на еден чекор до голема борба против апсолутниот шампион во тешка категорија Александар Усик.

По мечот, Вордли го повика на пресметка непоразениот Украинец.

Двајцата мажи влегоа во мечот љубопитно и по неколку размени на удари, Паркер го забрза темпото. На крајот од првата рунда, тој погоди неколку силни комбинации и покажа кој треба да биде главен.

Втората рунда помина во меѓусебна размена на силни удари, а Фабио беше поконкретен. Во еден момент се чинеше дека Џозеф е во неволја, но тој остана на нозе.

Во средината на четвртата рунда двајцата повторно разменија неколку силни комбинации, што ја крена публиката на нозе. Вордли се обиде да го изненади Новозеландецот со удари во телото.

И Паркер се држеше до планот и не се откажа, продолжи да напаѓа и да врши притисок врз Вордли, кој бараше излез во клинчови. Домашниот борец стануваше сè позаморен …

Деветтата рунда понуди уште повистинска акција. Прво, Паркер го погоди Вордли со неколку добри удари, кој одговори со одлична комбинација во последните десет секунди.

Крајот на десеттата рунда понуди вистинска канонада од удари од двете страни, и чудо е што двајцата останаа на нозе.

Војната продолжи во 11-тата рунда каде Фабио отиде на сè или ништо и се исплатеше. По фантастична серија удари го принуди судијата да го прекине мечот.

Ова беше 20-та победа во кариерата на Вордли. Минатата година се бореше двапати против Фрејзер Кларк, првата борба заврши нерешено, а потоа во реваншот победи со технички нокаут во првата рунда.

Англичанецот го победи Јустис Хуни во десеттата рунда во јуни, победа што му даде шанса за голем меч, која тој ја искористи величествено.