Кикбоксерите освоија 42 медали на „Трофеј на Белград“

Македонските кикбоксери го завршија настапот на Балканскиот куп „Трофеј на Белград“ со 42 медали – 11 златни, 6 сребрени и  25 бронзени.

Марија Димовска од КБК Енерџи од Битола е избрана за гала борба на вечерта и истата заврши со освоено злато на Димовска во дисциплината лоу кик постари јуниорки -65 килограми.

Најтрофеен македонски клуб е КБК Шампион од Скопје со освоени вкупно 9 медали – 3 златни, 1 сребрена и 5 бронзени медали и во севкупниот пласман е трето пласиран во конкуренцијата од 60 клубови од регионот.

 

„И покрај тоа што секој куп е исклучителна можност за стекнување меѓународно искуство и подготовка на нашите кикбоксери за претстојните светски и европски првенства, повторно учеството на овој куп и целокупните трошоци се на наш сопствен трошок. Докажавме, и порано и сега, дека сме најтрофеен спорт и дека од секое натпреварување од највисок ранг се враќаме со македонска жетва од медали.

Целокупната светска, европска и балканска кик бокс нација исправено стои пред македонските кикбоксери со почит, реноме и признание за врвни натпреварувачи, тренери и судии; но на национално ниво сме оставени на преживување и самоснаоѓање, маргинализирани и подредени во однос на екипните спортови при распределба на државните финансии. Се надевам дека оваа неправда ќе биде исправена и ќе следи финансиско релаксирање и за нашите спортисти и за клубовите и за самата федерација. Горд сум на сите претходни и на овој огромен успех на моите спортисти и моите колеги – тренери и судии.

Продолжуваме понатаму со ист ентузијазам и жар. До крај на годината имаме уште неколку купови и две првенства на кои ќе земеме учество со наши натпреварувачи. Се вративме среќни и без повреди со преубави впечатоци. Повторно тврдам дека кикбоксот е наш најтрофеен спорт и национален спорт број 1 во нашата земја”,  изјави Дејан Митровски – Урко, претседател на Кик бокс маитаи федерацијата на Македонија.

Нашата држава настапи со 47 натпреварувачи во 50 натпреварувачки влезови од 9 македонски кик бокс клубови. Тимовите ги предводеше тренерската екипа составена од 15 тренери, а на овој куп судеа и нашите меѓународни судии Неделковска, Наковски и Бубевски. На овој традиционален балкански кикбокс куп учество земаа 239 натпреварувачи во 242 влезови од 60 клуб од 4 држави

Денес медали освоија:

Лоу кик
Златни
Максим Митровски (Шампион) -75 кг сениори
Нелсон Узиер (Шампион) -91 кг сениори
Марија Димовска (Енерџи) -65 кг потари јуниори
Калин Бабоски (Работнички Адора)  -63 кг, постари јуниори

Сребрени
Александар Стоилјковиќ (Куманово 2006 +91 кг сениори

Бронзени
Радослав Велески (Ронин) +91 кг сениори

РЕЗУЛТАТИ – ВАКО балканскиот кикбокс куп „Ттрофеј на Белград 2025”:
Златни медали
1. Нелсон Узеир – ЛК С М -91 КГ – КБК Шампион Скопје
2. Максим Митровски – ЛК С М -75 КГ – КБК Шампион Скопје
3. Марија Димовска – ЛК ОЈ Ф – 65 КГ – КБК Енерџи – Битола
4. Калин Бабоски – ЛК ОЈ М – 63.5 КГ – КБК Адора Скопје
5. Огнен Илиев – КЛ Ј М –74 КГ БЕГ – КБК Адора Скопје
6. Петар Лозановски – КЛ ОЦ М -57 КГ – КБК Енерџи – Битола
7. Антонија Тасева – КЛ 166 ОЦ Ф -60 КГ – КБК Гладијатор фајт – Штип
8. Исмаил Туркер – КЛ Ј М -63 КГ – КБК Шампион Скопје
9. Марко Баснарков – КЛ Ј М – 74 КГ – КБК Прокик фемили – Скопје
10. Наум Миланоски – КЛ Ј М – 79 КГ – КБК Предатор – Куманово
11. Никола Николовски – КЛ Ј М – 84 КГ – КБК Предатор – Куманово

Сребрени медали
1. Александар Стоилковиќ – ЛК С М +91 КГ – КБК Куманово 2006 Куманово
2. Леонтина Миткова – КЛ ОЦ Ф -65 БЕГ – КБК Гладијатор фајт – Штип
3. Никола Ангеловски – КЛ ОЦ М -69 КГ – КБК Предатор – Куманово
4. Сергеј Ушлиновски – КЛ ОЦ М +69 КГ – КБК Шампион Скопје
5. Мартина Јовановска – КЛ 166 ОЦ Ф -60 КГ – КБК Адора Скопје
6. Марко Баснарков – КЛ Ј М – 69 КГ – КБК Прокик фемили – Скопје

Бронзени медали
1. Радослав Велески – ЛК С М +91 КГ – КБК Ронин – Прилеп
2. Марко Ристоски – ЛК ОЈ М – 67 КГ – КБК Шампион – Скопје
3. Данило Методиевски – ЛК ОЈ М – 71 КГ – КБК Предатор – Куманово
4. Милан Нешевски – ЛК ОЈ М – 75 КГ – КБК Шампион – Скопје
5. Андреа Георгиевска – ЛК ОЈ Ф – 56 КГ – КБК Предатор – Куманово
6. Ахмед Халдун – ЛК С М – 86 КГ – КБК Шампион – Скопје
7. Петра Долдурова – КЛ ОЦ Ф -65 БЕГ – КБК Гладијатор фајт – Штип
8. Леонид Наумов – КЛ ОЦ М -57 БЕГ – КБК Енерџи – Битола
9. Димитар Димевски – КЛ ОЦ М -57 БЕГ – КБК Енерџи – Битола
10. Јован Јанковски – КЛ ОЦ М -47 КГ – КБК Гладијатор фајт – Штип
11. Андреј Цветановски – КЛ ОЦ М -47 КГ – КБК Предатор – Куманово
12. Петар Лозановски – КЛ ОЦ М -63 КГ – КБК Енерџи – Битола
13. Макс Спасовски – КЛ ОЦ М -69 КГ – КБК Предатор – Куманово
14. Давид Георгиоски – КЛ ОЦ М +69 КГ – КБК Ронин – Прилеп
15. Ангела Стоилковска – КЛ ОЦ Ф -46 КГ – КБК Шампион Скопје
16. Маригона Зенуни – КЛ ОЦ Ф -46 КГ – КБК Енерџи – Битола
17. Павел Борковски – КЛ Ј М – 57 КГ – КБК Куманово 2006 Куманово
18. КИРИЛ АТАНАСОВ – КЛ Ј М – 63 КГ – КБК ГЛАДИЈАТОР – НЕГОТИНО
19. Иван Кукуновски – КЛ Ј М – 69 КГ – КБК Шампион Скопје
20. Димитар Јачев – КЛ Ј М – 74 КГ – КБК Прокик фемили – Скопје
21. Димитар Јачев – КЛ Ј М – 79 КГ – КБК Прокик фемили – Скопје
22. Андреа Милошевска – КЛ Ј Ф – 65 КГ – КБК Гладијатор фајт – Штип
23. Методи Младеновски – КЛ С М – 69 КГ – КБК Прокик фемили – Скопје
24. Давид Елмазов – КЛ С М – 89 КГ – КБК Енерџи – Битола
25. Христи Ристески – КЛ С М +94 КГ – КБК Ронин – Прилеп

РЕЗУЛТАТИ – ВАКО балканскиот кикбокс куп за помлади кадети “ТРОФЕЈ НА БЕЛГРАД 2025”:
Златни медали
Баже Јанев – КЛ ЅЦ М -32 КГ – КБК Гладијатор фајт – Штип

Сребрени медали
Михаил Јанев – КЛ ЅЦ М -32 КГ – КБК Гладијатор фајт – Штип

Бронзени медали
Максим Иванов -КЛ ЅЦ М -32 КГ – КБК Гладијатор фајт – Штип
Димитар Иванов – КЛ ЅЦ М -42 КГ – КБК Гладијатор фајт – Штип