Џозеф Паркер за Усик: Ќе му го разбијам лицето

Новозеландскиот професионален боксер Џозеф Паркер изјави дека би се соочил со светскиот шампион Александр Усик доколку му се даде шанса и дека „ќе му го разбие лицето“. Тој ги даде коментарите во контекст на претстојната борба со Фабио Вордли и зборувајќи за своите перспективи во тешка категорија.

„Како што знаеме, тој е повреден, нели? Нешто се случува, затоа ВБО му даде пауза. Тој е одличен шампион и направи неверојатни работи. Но, сакаме повеќе движење на фронтот за титулата. Затоа, Усик – ајде, пријателе. Ако Усик е достапен, одлично – ќе му го разбијам лицето. Ако не е – ќе се справам со кој било што е пред мене“, изјави Паркер за „Ринг“.