Матеуш Гамрот го заменува Физиев и ќе се бори против Чарлс Оливеира во Рио

Матеуш Гамрот го доби она што го сакаше – борба со поранешниот шампион во лесна категорија Чарлс Оливеира на УФЦ Фајт најт 261.

Откако Рафаел Физиев беше повреден и повлечен од гала вечерта на 11 октомври во Фармаси арената во Рио де Жанеиро, Гамрот (25-3 ММА, 8-3 УФЦ) беше меѓу најактивните борци кои лобираа да го заземат неговото место. Полјакот ја доби шансата што ја сакаше, и покрај првичната неподготвеност на Оливеира.

Оливеира (35-11 ММА, 23-11 УФЦ) призна дека не бил воодушевен од промената на противникот поради различниот стил на Гамрот, но во вторник официјално ја потврди борбата преку X.

За 36-годишниот Бразилец борбата ќе биде неговото прво враќање дома од март 2020 година. „До Бронкс“ ги држи рекордите на УФЦ за најмногу фниши, завршници и нокаути, но има резултат 3-3 во последните шест борби. Во Рио ќе мора да докаже дека сè уште го заслужува местото меѓу првите 5 во лесна категорија, каде што е рангиран на четвртото место според „УСА тудеј спорт/ММА џанки“.