Тренерот на Вајт го коментира поразот на неговиот борец од Итаума: Тој дефинитивно е иден светски шампион

Пред настанот во сабота во Ријад, многумина тврдеа дека 20-годишниот Мозес Итаума се соочува со најголемиот тест во кариерата, а младата британска ѕвезда ја заврши работата за помалку од две минути против сонародникот Дилиен Вајт.

Непоразениот Итаума го победи поранешениот предизвикувач за титулата со нокаут во првата рунда и уште еднаш докажа зошто боксерските експерти го прогласуваат за иден крал на тешката категорија.

Вајт сакаше да се врати во игра со други врвни тешкаши борејќи се со Мозес и да бара можност повторно да го нападне појасот за светски шампион, а за Итаума тоа требаше да биде првиот голем тест, кој на крајот го помина со одлични резултати.

Врвниот тренер Бади Мекгирт, кој се грижи за физичката форма на Дилиен Вајт, го коментираше поразот на својот борец против Итаума и откри што тргнало наопаку.

„Тој добро го фати и не можеше да се опорави. И тоа е сè што можам да кажам“, рече Бади Мекгирт и додаде:

„Го удри со добар удар и го стресе, а судијата направи она што мислеше дека е исправно. Знам дека детето е добро и знам дека може да се бори. Дефинитивно е иден светски шампион.

Ова беше 13-та победа во кариерата на Итаума и неговата 11-та со нокаут. Тој е подготвен да направи уште еден чекор кон врвот на тешката категорија, со цел да се врати на рингот до крајот на 2025 година.

По тешкиот пораз Вајт доби неколку повици да се пензионира. Поранешниот светска шампион Сани Едвардс во објава на социјалните мрежи истакна дека Дилиен влегол во борбата со повредена нога, што потенцијално го објаснува неговиот слаб настап.

Фото: Leigh Dawney (Queensberry)