Себастијан Фундора ќе ја брани титулата против Кит Турман на 18 октомври

Американскиот медиум BoxingScene.com објави дека е постигнат усмен договор Себастијан Фундора (23-1-1, 15 КО) да ја брани титулата во велтер категорија на ВБЦ против поранешниот обединет шампион Кит Турман (31-1, 23 КО). Борбата е закажана за 18 октомври во Лас Вегас.

27-годишниот Фундора стана шампион во март 2024 година откако, како доцна замена за повредениот Турман, во крвава борба на поени со едногласна одлука на судиите го победи Австралиецот Тим Цзју и ги освои појасите на ВБЦ и ВБО. Повреда на бицепсот за време на тренингот го принуди Турман да се повлече од борбата со Цзју.

На 19 јули Фундора повторно се сретна со Цзју, овој пат славеше со технички нокаут во седмата рунда.

Турман, рангиран на осмото место на ранг-листата на ВБЦ, се врати на рингот во март по тригодишно отсуство. Претходно, во 2022 година го победи актуелниот шампион на ВБЦ во полусредна категорија Марио Бариос и во последната борба го нокаутира Брок Џарвис. Неговиот единствен пораз беше од легендата Мани Пакијао во 2019 година.