И Агит Кабајел го прозва Александар Усик: Судир на двајца непоразени, зошто да не?

Александар Усик неодамна често изјавуваше дека сака уште една борба пред да се пензионира и дека нема да има ништо против трилогиска борба со Тајсон Фјури или Ентони Џошуа, бидејќи тој меч сигурно би му донел огромен профит.

Непоразениот Украинец повторно ги обедини шампионските појаси во тешка категорија минатиот месец, на Вембли пред 90.000 гледачи со нокаут во петтата рунда го победи британскиот борец Даниел Дубоа.

ВБО неодамна му наложи на 38-годишниот Усик да започне преговори со нивниот привремен шампион, Новозеландецот Џозеф Паркер, но таа потенцијална борба нема поддршка од Турки Алалших, кој е доминантна сила во боксот во последните години.

Има многу заинтересирани за борба против Александар Велики, но малку е веројатно дека секој ќе ја оствари својата желба, а во последните денови дури имаше и гласни шепотења за можна ММА борба против Џејк Пол, која би била договорена следната година.

И последниот што го прозва моментално најдобриот тешкаш во светот, Александар Усик, беше непоразениот германски тешкаш Агит Кабајел.

„Мразам да кажувам глупости, но зошто да не се борам против Усик“, рече Агит Кабајел неодамна за ИФЛ ТВ, а потоа продолжи:

„Двајца непоразени, зошто да не? Јас сум привремен шампион на ВБЦ, тој ја има титулата. Мислам дека би бил добар меч. И двајцата никогаш не сме изгубиле, би била одлична борба во Германија за моите и украинските фанови“.

Агит Кабајел има 26 победи со 18 нокаути, ги доби последните пет борби со прекин – Павел Сур, Агрон Смакиќи, Арсланбек Махмудов, Франко Санчез, а во февруари Жилеј Жанг.