Ленокс Луис: Би било смешно борбата меѓу Фјури и Џошуа никогаш да не се случи

Легендарниот британски боксер и поранешен шампион во тешка категорија, Ленокс Луис, верува дека Ентони Џошуа и Тајсон Фјури мора да се борат пред да се пензионираат.

Борбата меѓу двајцата Британци со години е на врвот на листата со желби на љубителите на боксот. Фјури и Џошуа имале можност да се сретнат во рингот, но некоја повисока сила отсекогаш го спречувала договорот.

Фјури повторно се пензионира по вториот пораз од Александар Усик, но неодамна објави дека ќе се врати во 2026 година за да се бори против непоразениот Украинец по трет пат.

Сепак, засега никој не зборува за борбата освен Фјури, додека Џошуа се опоравува од мала операција на лактот, а треба да се врати на борби до крајот на годината.

Ромскиот крал последен пат се бореше во декември 2024 година, кога загуби со едногласна одлука од Усик, додека Еј Џеј беше нокаутиран во петтата рунда на Вембли минатиот септември од тогашниот шампион на ИБФ, Даниел Дубоа.

Не е тајна дека Турки Алалших сака да ги види Фјури и Џошуа заедно во рингот во нивната долгоочекувана пресметка во 2026 година.

Ленокс Луис верува дека би било вистинска штета, особено за британските фанови на боксот, да не видат голема борба меѓу двајца врвни тешкаши, Еј Џеј и Фјури.

„Би било смешно ако никогаш не се борат еден против друг. Секој би гледал меч меѓу Тајсон Фјури и Ентони Џошуа, тоа би била добра борба за двајцата“, рече Ленокс Луис и продолжи:

„Треба да ја видиме таа борба. Тие ѝ го должат тоа на британската јавност“.

Во последните недели Џошуа беше поврзуван со јутјуберот Џејк Пол во борба што би им донела само финансиски придобивки на некои, па затоа Луис го советува Еј Џеј да избере друг противник, ако сака повторно да се докаже.

„Навистина зависи од тоа што сака да докаже. Ако сака да докаже дека сè уште може да го направи тоа, тогаш треба да се врати и да боксира против некој што може да му се закани“, додаде Ленокс Луис.