Мајк Тајсон: Немаше да се борам со Џејк Пол, ако не бев „надуван“

Мајк Тајсон отворено призна дека не бил целосно трезен кога се согласил да се бори со Џејк Пол. Поранешниот светски шампион во тешка категорија за „Фокс спорт“ изјави дека бил под дејство на дрога кога решил да се врати во рингот. Според него, никогаш не би ја прифатил борбата ако останел трезен.

„Дали бев под дејство на дрога? Апсолутно. Никогаш не би го направил тоа ако не бев под дејство на канабис. Бидејќи без канабис станувам премногу емотивен. Со канабис сум многу објективен“, рече Тајсон, кој сега има 59 години.

Мајк Тајсон ја загуби борбата од Џејк Пол, но сруши рекорди. Борбата меѓу Тајсон и Џејк Пол се одржа минатиот ноември во Арлингтон, Тексас. Местото на одржување беше стадионот AT&T. Самата борба беше малку разочарувачка. Тајсон загуби на поени, со едногласна одлука на судиите. И покрај поразот, тоа беше историска ноќ.

Оваа борба беше првиот професионален боксерски меч на Тајсон од 2005 година. Само тоа привлече многу внимание. Настанот сруши бројни рекорди. Вкупните приходи од билетарницата беа огромни 18,1 милиони долари, највисоки во историјата на американскиот бокс надвор од Лас Вегас.

На стадионот беа повеќе од 72.300 навивачи, а 60 милиони домаќинства низ целиот свет го гледаа преносот на Нетфликс. Тајсон долго време е познат како застапник за употреба на канабис и не го криеше фактот дека користел марихуана непосредно пред и по борбата. Тој рече дека пушел малку пред борбата. Но, тоа не беше сè.

Штом борбата заврши, веднаш побара џоинт.

„Штом се средив со Џејк Пол, реков: „Дајте ми џоинт“. Во рингот, реков: „Ми треба џоинт веднаш. Ајде да си одиме од тука“, призна Тајсон.

Тајсон е задоволен што можеше да ги контролира своите емоции со канабис.