Џон Џонс се пензионира! Том Аспинал е новиот шампион во тешка категорија на УФЦ

Џон Џонс нема да го брани појасот во тешка категорија на УФЦ против Том Аспинал. Еден од најдобрите борци во историјата на ММА објави крај на својата кариера, а ова го потврди и шефот на најголемата светска ММА организација, Дана Вајт.

„Џон Џонс се јави и рече дека се пензионирал. Џон Џонс официјално се пензионира, а Том Аспинал сега е шампион во тешка категорија на УФЦ“, рече Дана Вајт.

Боунс постојано го објавуваше можното пензионирање во последните неколку недели, а неодамна изјави дека „не размислува да се врати и да се бори“. Беше јасно дека наскоро ќе мора да донесе конечна одлука.

„Му дадовме доволно време да донесе одлука и тоа е тоа. Жал ми е за Том што потроши толку многу време, а очигледно и пари, но ќе му надоместиме“, рече Дана Вајт и продолжи:

„Том Аспинал е добар човек и беше неверојатно трпелив. Беше подготвен за сè, да се бори во секое време, на кое било место и против секого. Се справи со сè брилијантно и сега ќе биде наш шампион во тешка категорија. Нè очекува возбудлива соработка“.

🚨 BREAKING!

DANA WHITE SAYS JON JONES IS RETIRED AND TOM ASPINALL IS THE NEW UNDISPUTED HEAVYWEIGHT CHAMP! pic.twitter.com/Or8SUCmVHS

— Championship Rounds (@ChampRDS) June 21, 2025