Рико Верховен, човек кој доминира во светот на кикбоксот повеќе од една деценија, не крие колку многу го цени тоа што има близок и стабилен тим со кој тренира. Во тој мал круг посебно место има и привремениот шампион во тешка категорија на УФЦ, Том Аспинал, со кого Верховен делел тренинг кампови со години и си помагале еден на друг во подготовките.
Иако никогаш не го направил преминот во ММА, Верховен е полн со пофалби за Аспинал, кој возвраќа со иста мера. Додека Аспинал го чека исходот од можната мегаборба со Џон Џонс, последните недели му помага на Верховен да се подготви за одбраната на титулата во Глори против Артем Вахитов во Холандија.
„Тоа е братство“, изјави Верховен за ММА фајтинг. „Кругот на луѓе околу мене е многу мал. Сите во тимот се како семејство. Истото важи и за Хјуи и Питер Фјури, како и за Том. Секогаш кога имаме можност, си помагаме едни на други. Се јавуваме, доаѓаме, достапни сме. Тоа е меѓусебно почитување и поддршка. Луѓето го гледаат како Том Аспинал ѕвездата на УФЦ. За мене тој е само Том, мој брат и пријател. Неверојатно скромен и срдечен. Можам само да бидам благодарен што имам такви луѓе во мојот живот“.
Додека Верховен продолжува да го освојува кикбокс тронот, Аспинал останува со надеж дека УФЦ конечно ќе договори борба со Џонс. Иако претседателот на УФЦ Дана Вајт повторува дека се надева оти ќе ја реализира борбата до крајот на годината, сè уште нема конкретен датум. Сепак, Верховен нема сомнежи за исходот од евентуалната пресметка.
„Ќе го исчисти подот со Џон Џонс“, го изрази своето убедување Верховен. „Џонс нема шанси против Том. Запомнете ги моите зборови. Том е чудовиште, и на нозе и на партер“.
Истакна дека Џонс никогаш не се справувал со никого со нивото на вештина што ја има Аспинал во стој. Според него, Аспинал би бил совршен меч за него во кикбокс ринг, дури и против себе.
„Тој е лукав на свој начин“, додаде Верховен. „Не е класичен кикбоксер, па затоа не влегува со предвидливи комбинации. Затоа е тешко да се прочита. Тој е експлозивен, паметен е и има неверојатно висок коефициент на интелигенција. Затоа сакам да го имам во кампот, секогаш ми дава вистински предизвик“.
Додека Аспинал го гради УФЦ наследството, Верховен неодамна прослави неверојатни 4.000 дена на врвот на тешката дивизија на Глори. Признава дека таа бројка го изненадила.
„Човече, тоа е долго време“, се насмеа Верховен. „Кога си таму, само одиш од борба во борба, а потоа се осврнуваш назад и гледаш 4.000 дена… Ауу“.
Тој ја припишува долговечноста на едноставна филозофија на постојано подобрување и самокритика.
„Секогаш сакаме да се подобрувам, да бидам подобар, да го поправам она што можам. Додека го имате тој менталитет, секогаш растете. И пред да се свестите, поминаа 4.000 дена“.
Победата над Вахитов само дополнително би го зацврстила статусот на човекот кого многумина веќе го сметаат за најголем кикбоксер на сите времиња. Сепак, Верховен скромно одбива да се стави во тие категории.
„Не зависи од мене. Можам да бидам благодарен и среќен само ако луѓето мислат така. Го правам ова од љубов, со страст и се надевам дека луѓето ќе уживаат во она што го нудам“.
