По неговата победа на УФЦ 314 над Патрицио Фреире во Мајами, Јаир Родригез (20-5 ММА, 11-4 УФЦ) ја постави својата цел кон титулата во перо категорија.
Пред борбата со Фреире Родригез влезе во вербална расправија со Диего Лопез, кој се бореше за титулата, но загуби од Александар Волкановски. Родригез сфаќа дека фановите сакаат да го видат како се соочува со Лопез, но тој претпочита шанса за појасот. Јаир ја освои привремената титула во 2023 година, а потоа доби меч за обединување со Австралиецот со македонско потекло.
Во летото 2023 година Волкановски го нокаутира и ја одбрани титулата. Сега Мовсар Евлоев се чини дека е неприкосновен кандидат за титулата, но Јаир смета дека тој треба да биде следен.
„Да, навивачите ме бараат против Диего Лопез, се разбира. Ако ме прашате, ако бевте во мојата кожа во моментов, расправијата може да се тргне настрана. Единственото нешто што го барам во моментов е да се борам за овој појас. Брат, Волкановски има борби низ целиот свет. Тој не се борел во Мексико.
Гвадалахара не е на супер висока надморска височина. Мислам дека има смисла УФЦ да организира огромен настан во Гвадалахара. Мислам дека Волкановски ќе може да добие реванш со мене. Мислам дека со задоволство би го направил тоа“, рече Родригез.
