Контроверзната алжирска боксерка Имане Хелиф крена голема прашина околу неа минатото лето на Олимписките игри во Париз. Иако беше обвинета дека е маж, Хелиф на споменатите Олимписки игри се натпреваруваше во женска категорија, поточно во полусредна категорија, а ова е тема за која се зборува и денеска.
Следните Олимписки игри се закажани за Лос Анџелес во 2028 година, а Хелиф рече дека сака таму да го брани своето злато од Париз. Неодамна Доналд Трамп, на почетокот на вториот мандат на чело на САД, изјави дека повеќе нема да дозволува трансродовите лица да се натпреваруваат во женските категории, но Хелиф не е премногу загрижен поради тоа.
„Ќе ви дадам директен одговор. Претседателот на САД донесе одлука за трансродовите политики во Америка. Но, јас не сум трансродова, па тоа не ме загрижува или плаши. Тоа е мојот одговор на него. Мојата цел е таму да го освојам второто злато, се разбира, во Лос Анџелес“, изјави Келиф за ИТВ њуз.
„Себеси се гледам како девојка, обична девојка. Се родив како девојче, израснав девојче и така живеев цел живот. Се натпреварував на различни турнири, како што се Олимписките игри во Токио и четири светски првенства. Но, кога почнав да освојувам медали, започна кампањата против мене“, објасни таа.
Што ќе се случува во оваа област до 2028 година останува да видиме, но едно е јасно – Хелиф има намера да го брани своето злато од Париз без оглед на директивите на Трамп. Ќе видиме дали ќе успее во Лос Анџелес во 2028 година.
