Неприкосновениот светски шампион во перо категорија Наоја Инуе ќе се врати во САД по тригодишна пауза за да ги брани титулите на 4 мај во Лас Вегас против 29-годишниот Американец Рамон Карденас (26-1, 14 КО), објави во средата Топ ранг.
„Благодарен сум на љубителите на боксот во САД кои ја следеа мојата кариера“, изјави Инуе. „Боксот во Лас Вегас е уште еден врв во кариерата и со нетрпение очекувам да приредам одлично шоу за сите присутни. Карденас е силен противник кој го почитувам што ја презема борбата без двоумење“.
Противник на Инуе првично требаше да биде Мексиканецот Алан Пикасо, но 24-годишниот ја одби борбата и беше заменет со Карденас (бр.2 ВБА, 7.ИБФ и 10. ВБО).
„Отсекогаш сум сакал да се борам за светска титула, но да се борам за сите титули одеднаш е остварување на сонот“, изјави Карденас. „Не се сомневав дека нашите патишта ќе се вкрстат, а кога ми понудија борба, веднаш се согласив. Не би рекол дека го постигнав џекпотот, но не можете да одбиете таква можност. Ова е можност што се случува еднаш во животот“.
Боксерската вечер на Топ ранг, на 4 мај, со Инуе ќе го заокружи напорниот викенд на почетокот на месецот. На 2 мај во Њујорк ќе се одржи гала вечер на која ќе учествуваат Рајан Гарсија, Девин Хејни и Теофимо Лопез, а на 3 мај во Ријад Сол Алварез-Канело повторно ќе се бори за титулата апсолутен светски шампион во суперсредна категорија.
