Тренерите на поранешниот шампион во две тежини на УФЦ, Алекс Переира – Плинио Круз и Гловер Тешеира – изразија несогласување со одлуката на судиите со која на Магомед Анкалаев му ја доделија победата во нивната последна борба. Тие се категорични дека Бразилецот ќе се врати посилен во реваншот и ќе ја врати титулата.
„Добивме пораз, но мислам дека Алекс победи“, рече Тешеира во видеото објавено на каналот на Переира. Тој загуби на поени, па мораме да ја промениме стратегијата, да тренираме напорно и потоа да се вратиме на реванш“.
Круз исто така е уверен дека овој пораз ќе го направи нивниот тим уште помотивиран: „Тоа е само сопнување, а не пад. Вистински шампион е оној кој се сопнува, но продолжува да оди и повторно го достигнува врвот. Овој пат, Анкалаев само си ги влоши работите, бидејќи сега ќе мора да се бори со Поатан верзија 2.0“.
Переира веќе докажа дека може да се врати посилен по поразот, а според неговите ментори, навивачите можат да очекуваат уште поагресивен и поподготвен борец на претстојниот реванш.
