Се чини дека разговорите за потенцијален меч меѓу Дмитри Бивол и Давид Бенавидез одат во вистинска насока, а тие наводно се на прагот да го финализираат договорот.
Нивниот меч во кој Бивол би ја бранел апсолутната титула во полутешка категорија треба да се одржи летово.
Бивол (24-1, 12 КО) и Бенавидез (3-0, 24 КО) последните натпревари извојуваа големи победи.
Киргистанецот минатиот месец го победи Артур Бетербиев и му ги одзеде сите титули во категоријата до 79,4 килограми, додека мексиканско-американскиот борец неколку недели претходно го победи Дејвид Морел.
Неодамна ВБЦ му нареди на Бивол дека следниот меч мора да биде против Бенавидез и добија рок до 8 април да преговараат. Промоторите на Мечрум и ПБЦ се блиску до договор.
Не е јасно дали Бетербиев, кому Турки Алалших му кажа дека ќе добие реванш, сака трет меч против Бивол.
Имено, Бетербиев лани во првата борба го победи Бивол, но сега му врати Киргистанецот.
Предизвикувачот на ИБФ, Мајкл Ајферт (13-1, 5 КО) својата шанса ја чека веќе две години, а неговиот тим најверојатно ќе се обложи дека тој ќе биде следен во низата.
Бенавидез е привремен шампион на ВБЦ во категоријата до 79,4 килограми, а појасот го освои минатото лето со победата против Александар Гвоздик.
Пред тоа беше светски шампион на ВБЦ во суперсредна категорија, но бидејќи не можеше да победи на мечот против Канело Алварез, се искачи во повисоката дивизија.
