Пред неколку дена се зборуваше за бизарната идеја на Турки Алалших. Шефот на саудиската генерална управа за забава и главниот одговорен за организирање настани под покровителство на „Сезоната во Ријад “, во интервју за ЕСПН откри дека планира да организира боксерски настани на навистина егзотични локации.
„Што мислите ако еден ден би се одржал боксерски настан во затворот Алкатраз? Алкатраз сега е како музеј. Знаете, понекогаш имам различни локации на ум каде што би организирал настани. Можеби некаде во планините, можеби на Ајфеловата кула во Париз, во Колосеумот во Рим рече во интервју за Мајк Копингер (ЕСПН).
Турки шокираше многумина со оваа идеја, но се чини дека никој не го сфатил премногу сериозно, иако постојано докажува дека е подготвен на се. Саудиецот е познат и како личност која не се двоуми. Откако ќе му се допадне некоја идеја, ќе се потруди да ја спроведе во пракса. Така, магазинот „Ринг“, кој исто така е во сопственост на Турки, денеска објавува дека веќе во јуни или јули би можеле да бидеме сведоци на боксерски настан што ќе се одржува во најпознатиот затвор во светот (Алкатраз бил затворен во 1963 година, а денес служи како туристичка атракција).
Домаќин на настанот ќе биде „Ринг“, кој долги години доделува свој специјален појас на борците, а настанот во култниот затвор треба да го предводи Теофимо Лопез (21-1-0). Лопез некогаш ги држеше светските титули во лесна категорија ИБФ, ВБА, ВБО и „Ринг“, а тие појаси ги обедини победувајќи го Васил Ломаченко во октомври 2020 година. Веќе во следниот меч Лопез беше поразен од Џорџ Камбосос Јуниор и му ги одзеде титулите.
A source has advised The Ring that a deal is close for Ring/WBO junior welterweight champion Teofimo Lopez to headline a special Ring Magazine event – in Alcatraz! Dates in June and July are being explored.
Lopez's return would be the first of a three-fight collaboration with… pic.twitter.com/6vtf50eU3F
— Ring Magazine (@ringmagazine) February 12, 2025
Лопез потоа се искачи во суперлесна категорија, извојувајќи пет последователни победи и е актуелен носител на појасите светски шампион на ВБО и Ринг во таа категорија. Се чини дека 27-годишниот американски боксер ќе го предводи историскиот настан во Алкатраз, но се уште се чека официјална потврда. Засега не е познато и името на противникот.
Што да кажам освен дека Турки повторно ги поместува границите…
