Долги години, боксерското резиме на Ентони Џошуа важеше за едно од најдобрите во тешка категорија, но сега тој се соочува со обвинувања за избегнување на колега во тешка категорија.
Џошуа многу брзо се издигна откако стана професионалец, откако го освои златниот медал на Олимписките игри во Лондон во 2012 година.
Во декември 2015 година неговиот прв голем предизвик дојде против Дилиeн Вајт, а по победата со нокаут, влезе во својата прва борба за светска титула против Чарлс Мартин следната година. Го освои појасот на ИБФ и го одбрани против Ерик Молина и Доминик Брезил, а потоа го обедини против Владимир Кличко. Следеа уште три одбрани против Карлос Такам, Џозеф Паркер и Александар Поветкин.
Неговиот прв пораз дојде во 2019 година против Енди Руиз, ному се одмазди за истата година. Потоа го победи Кубрат Пулев пред да загуби двапати по ред од Александар Усик. Оттогаш забележа уште три победи пред шокантниот пораз со нокаут од Даниел Дубоа минатиот септември, што го остави без појасот и со намалени опции.
Еден борец кој долго време го прогонува е Жилеј Жанг, кого Џошуа го победи како аматерски боксер на Олимпијадата во 2012 година. Менаџерот на Жанг, Тери Лејн изјави за Скај спорт дека Џошуа одамна избегнувал реванш во професионалниот бокс.
„Мислам дека најлошо чуваната тајна во боксот е дека „Еј Џеј“ не сака ништо со Жилеј. Имаше можности да се борат. Јасно е дека нема интерес од страна на „Еј Џеј“, тој само сака да ја избегне таа борба. За жал“.
Џошуа може да се радува на борбата против Тајсон Фјури што ќе ја одреди кариерата, и покрај тоа што неговиот сонародник се пензионираше на почетокот на јануари. Од друга страна, Жанг се бори со Агит Кабајел на 22 февруари за привремениот светски шампионски појас на ВБЦ.
