Карате клубот Макпетрол во изборот на најдобрите каратисти, тренери и клубови на Карате федерацијата на Македонија (КФМ) повторно е со најбројни признанија за најдобри резултати во највозрасните категории на карате спортот.
Карате клубот Макпетрол доби вкупно 10 признанија.
Во сениорска конкуренција прворангиран е Петар Заборски, а веднаш до него е Петар Спасеновски, додека кај помладите сениори (У-21), клубот заблежа апсолутна доминација – Стефан Стојановиќ е најдобар каратист, Витомир Трајковски е втор, Данило Божовиќ е трет.
Кај девојките во помлади сениорки (У-21) прворангирана е Јована Мицовска. Викторија Јовановска е трета кај сениорките, додека кај кадетите во дисциплината кати Никита Лековски го зазеде второто место.
За најдобар тренер во младинска конкуренција, веќе трета година последователно, е избран тренерот на Макпетрол Петар Заборски.
Макпетрол е прогласен за најдобар клуб во младинска конкуренција.
На свеченото доделување на наградите во Скопје не присуствуваа Петар Заборски и Петар Спасеновски кои настапија на Карате 1 Премиер лигата во Париз во улога на тренер и натпреварувач. Спасеновски беше блиску до пласман во четврфиналето, а Заборски положи за највисоката тренерска лиценца на ВКФ.
Од Макпетрол нагласуваат дека оваа година се стремат да бидат најдобри во сениорска конкуренција бидејќи за таков успех имаат квалитет и шампионски дух. Во клубот радуваа и тоа што се подмладува и тренерскиот кадар.
Наградени спортисти и тренери од Макпетрол:
Кумите сениори мажи
1.Петар Заборски – прво место, сениори
2.Спасеновски Петар – второ место, сениори
Кумите сениори жени
3.Јовановска Викторија – трето место, сениорки
Кумите сениори до 21 година жени
1.Јована Мицовска – прво место, помлади сениорки (У2-1)
Кумите сениори до 21 година мажи
1.Стефан Стојановиќ – прво место, помлади сениори (У-21)
2.Витомир Трајковски – второ место, помлади сениори (У-21)
3.Данило Божовиќ – трето место, помлади сениори (У-21)
Најдобар тренер во младинска конкуренција
Петар Заборски
Најдобар клуб во младинска конкуренција
Макпетрол – Скопје
Ката кадети мажи
2.Никита Лековски – второ место, кадети
