Илија Топурија (16-0) изненади многумина со својата намера да ја ослободи титулата на УФЦ во перо категорија, откако тесно ја освои минатата година и направи само една одбрана. Сепак, неговиот блеф го разоткри еден од претендентите во дивизијата – Мовсар Евлоев (19-0).
„Искрено, не е секогаш лесно да се разбере што се случува бидејќи го гледаме Макс како изјавува дека повеќе нема да се врати на перо категорија. Илија зборуваше и за одење нагоре, особено по мојот меч. Не разбирам што се случува. Не ми е важно кој ќе биде мојот следен противник. Шампионот и да оди нагоре, ќе ја напушти титулата. Потоа ја земам и тргнувам по него. Лесната тежина не е толку далеку. Дури и да го направи, мојата прва цел е титулата. После тоа, ќе го бркам, дури и ако се искачи во средна категорија. Мене тоа не ми е важно. Тој не е толку голем. Нема да треба да ослабам за да го победам“, категорично изјави Евлоев во интервјуто за ММА фајтинг.
Не случајно Перо е една од најинтригантните дивизии, бидејќи отсекогаш била полна со таленти. Своето место на врвот „Матадор“ несомнено го заслужи со победите над противниците од рангот на Брајс Мичел (17-3), Џош Емет (19-4), Александар Волкановски (26-4) и Макс Холовеј (26-8). Сепак, сега има работа пред да размислува за подем, бидејќи допрва треба да се соочи со Диего Лопез (26-6), Мовсар Евлоев и Јаир Родригез (16-5).
