Остануваат уште само неколку дена до големиот реванш меѓу Александар Усик и Тајсон Фјури. Непоразениот Украинец ќе се обиде да ја одбрани светската титула во тешка категорија на ВБА (Супер), ВБО и ВБЦ на боксерскиот спектакл во Ријад во сабота против Кралот на Ромите.
Одличниот Усик е еден од најдобрите борци во рингот, а тоа го потврди кон средината на мај кога во мечот за обединување на титулите во тешка категорија со поделена одлука го победи Фјури, што беше прв пораз во неговата кариера.
Неодамна во интервју за Мејл спорт учествуваше во интересен избор, а требаше да го избере најдобриот боксер.
Прво, за борец со идеален удар го избра сонародникот Владимир Кличко, најдобра одбрана има Рој Џонс Јуниор, а најсилна брада Дерек Чисора.
Усик исто така смета дека уште еден Украинец заслужува признание, а тоа е Васили Ломаченко, кој, според него, има најдобра работа со нозете, додека Андре Вард го пофали дека има совршен боксерски коефициент на интелигенција. Најголем во категоријата „личност“ е Мухамед Али.
И во изборот „победник останува“ повторно го избра Мухамед Али за најдобар боксер на сите времиња.
View this post on Instagram
View this post on Instagram
