Tрикратниот боксерски шампион во супербантам категоријата, Мексиканецот, Израел Васкез почина на 46-годишна откако ја загуби битката со ракот.
Трагичната вест во текот на денешниот ден ја потврди претседателот на ВБЦ, Маурисио Сулаиман. Васкез беше еден од најпознатите боксери од мексико и голем ривал на сонародникот Рафаел Маркез со кого се бореше четири пати.
ВБЦ минатиот месец објави дека на Васкез му е дијагностициран рак и организираше акција за собирање на средства за негово лекување, но за жал Васкез не успеа да се спаси.
„Ирзаел Васкез, почивај во мир. Ти благодариме, за сите спомени кои ни ги донесе во рингот и надвор од него. Сега си вечен, уште еднаш, почивај во мир“, објави Сулаиман на социјалните мрежи.
