Боксерскиот клуб Фамилија Демирови со крупни чекори граби кон втората последователна титула во Младинската бокс лига откако викендов во Куманово во рамките на 5. коло на Првата и Младинската лига на Македонија освоија 12 бодови и се зацврстија на врвот на табелата со 61 бод. Второпласираниот Пелистерски јунак заостанува со 9 бода (52), додека Пинк пантер е на третото место со 29.
Тренерот Тархан Демиров се осврна на 5. коло, но и на она што следи во последното 6. коло во Штип.
„Во Куманово настапивме со 6 боксери кои беа доминантни во рингот. Туран Демиров го покажа што знае. Тој е најуспешниот боксер на БК Фамилија Демирови и никој не може да го елиминира во неговата категорија. Тој е талент кој нема пораз во Македонија, па и пошироко. Во Куманово го победи Арабел Рустемовски од Пелистерски јунак 1-2. А Талип Агушев е најстариот боксер на Фамилија Демирови. Бирџан Еминов направи извонреден меч со Александар Панов од БК Пинк пантер, завршувајќи ја својата задача во првата рунда. И останатите боксери се познати ѕвезди: Сонер Ајрушев, Фејзи Демиров, Саин Реџеповски. Тие шест боксери докажаа дека се идните шампиони на Македонија. Како тренер вложив многу труд за да направиме шампиони“, вели тренерот Тархан Демиров и нагласува:
„Туран Демиров има многу желба да донесе европски медал. Сепак, јас имам визија за Туран Демиров.
Тархан вели дека 30 ноември во Штип ќе се одржи 6. коло на Првата и Младинската лига кое ќе биде завршно.
„Пред домашната публика очекувам трофејот да остане во рацете на штипјани. Со среќа на сите љубители на боксот и респект за сите натпреврувачи и тренери“, истакнува Тархан.
