Стипе Миочиќ е подготвен за претстојната борба со Џон Џонс на 16 ноември во Медисон сквер гарден.
За Миочиќ, кој по 1.330 дена се враќа во октагонот, ова не е само уште еден меч, туку најважниот во неговата кариера. Оваа борба може да биде збогум и за него и за Џонс, кои се едни од најголемите борци во историјата на ММА.
Миочиќ во интервју во емисијата „BS w/ Jake Paul“ изјави дека е возбуден и подготвен за борба. „Искрено, јас сум супер возбуден. Мечот требаше да се одржи минатата година, но повреда го одложи. Сега, сепак, тука сум и фокусиран сум на задачата што е пред мене“, рече Миочиќ.
Борбата меѓу Џонс и Миочиќ ветува дека ќе биде голем настан во ММА, а навивачите со нетрпение очекуваат да видат како двајцата големи борци ќе се спротивстават во историска битка за титулата во тешка категорија.
