Мераб Двалишвили (18-4) ја постигна најголемата победа во кариерата пред две недели во Лас Вегас кога со убедлива одлука славеше против Шон О’Мели (18-2) за да стане светски шампион во бантам категорија за УФЦ. Набргу потоа, сепак, „Шугар“ тврдеше дека бил оштетен од судиите и дури ги наведе рундите за кои мислеше дека победил. Еве, „Машината“ конечно му одговори со објава на социјалните мрежи.
„Слушам дека О’Мели мисли оти е победник и сака реванш. Ако сака, ќе го добие. Ајде да го направиме тоа на 16-ти ноември во Медисон сквер гарден и потоа ќе ја бранам титулата за да се соочам со кого ќе посака УФЦ. Што мислиш“? напиша Грузиецот на Х.
I hear O’Malley thinks he won the fight and is looking for a rematch. If he wants it he can have it. Let’s do it November 16th at the Garden and then I’ll still defend the title against whoever the UFC wants me to fight next. What do you think? @SugaSeanMMA
— Merab “The Machine” Dvalishvili (@MerabDvalishvil) September 27, 2024
Мераб реализираше 6 од 15-те обиди за соборување против шампионот, а двајцата поминаа вкупно 10:03 минути на подот на тој меч на 15 септември. Во однос на ударите, соодносот беше 49:214 во корист на Двалишвили, но и покрај тоа Американецот се гледа себеси како победник на мечот.
16 ноември е датумот кога ќе го видиме УФЦC 309 каде Џон Џонс и Стипе Миочиќ ќе се борат за титулата во тешка категорија. Борбената карта таму е за почит, па би било изненадувачки доколку промотерите решат толку брзо да ги сместат.
